Моќта на билките

Негата на лицето и убавината отсекогаш заземале важно место во животот на секоја жена. Се чини дека овој проблем е одамна решен, но високотехнолошките козметички компании секоја година нудат новитети. Во последно време се повеќе и се враќаат на природата. Целта е, велат тие, да им се вратиме на природата и повторно да ги најдеме волшебните природни состојки кои ќе ни ја понудат вечната младост.

Состојките на козметичките производи не доаѓаат само од хемиските лаборатории, туку ги наоѓаме насекаде околу нас - во дождливите шуми на Јужна Америка, на падините на кинеските ридови, во длабочините на Мртвото Море. Денес, козметичката индустрија ни нуди готови производи врз база на билки, минерали, алги, а еден од неизбежните препарати во служба на убавината и негата на лицето и телото се маските.

Како и другите козметички препарати и маските се специјализирани според типот на кожата: за регенерација и против брчки, за детоксикација и хидратација, за ревитализација и подобрување на тонусот на кожата, антистрес маска и др. Silhouette во своите третмани ги користи најдобрите маски од познатите светски фирми.